Urdu sher-o-shayari

[ajtr]

aadatan tum ne kar diye vaade
Gulzar


aadatan tum ne kar diye vaade
aadatan ham ne aitabaar kiyaa

terii raaho.n me.n baarahaa ruk kar
ham ne apanaa hii intazaar kiiyaa

ab naa maa.Nge.nge zindagii yaa rab
ye gunaah ham ne ek baar kiyaa

 

[ajtr]

aa.Nkho.n me.n jal rahaa hai kyuu.N bujhataa nahii.n dhuua.N
Gulzar


aa.Nkho.n me.n jal rahaa hai kyuu.N bujhataa nahii.n dhuua.N
uThataa to hai ghaTaa saa barasataa nahii.n dhuaa.N

chuulhaa nahii.n jalaaye yaa bastii hii jal ga_ii
kuchh roz ho gaye hai.n ab uThataa nahii.n dhuaa.N

aa.Nkho.n se po.nchane se lagaa aa.Nch kaa pataa
yuu.N cheharaa pher lene se chhupata nahii.n dhuaa.N

aa.Nkho.n se aa.Nsuo.n ke maraasim puraane hai.n
mehamaan ye ghar me.n aaye.n to chubhataa nahii.n dhuaa.N

 

[ajtr]

chalo naa bhaTake
Gulzar


chalo naa bhaTake
lafa.nge kuucho.n me.n
luchchii galiyo.n ke
chowk dekhe.n
sunaa hai vo log
chuus kar jin ko vaqt ne
raaste.n me.n phe.nkaa tha
sab yahii.n aake bas gaye hai.n
yeh chhilake hai.n zindagii ke
in kaa ark nikaalo
ki zahar in kaa
tumhare jismo.n me.n
zahar palate hai.n
aur jitane vo maar degaa
chalo naa bhaTake
lafa.nge kuuch0.n mei.n

 

[ajtr]

din kuchh aise guzaarataa hai ko_ii
Gulzar


din kuchh aise guzaarataa hai ko_ii
jaise ehasaan utaarataa hai ko_ii

aa_iinaa dekh ke tasallii hu_ii
ham ko is ghar me.n jaanataa hai ko_ii

pak gayaa hai shazar pe phal shayaad
phir se patthar uchhalataa hai ko_ii

phir nazar me.n lahuu ke chhii.nTe hai.n
tum ko shaayad mughaalataa hai ko_ii

der se guu.Njate.n hai.n sannaaTe
jaise ham ko pukaarataa hai ko_ii

 

[ajtr]

ek paravaaz dikhaa_ii dii hai
Gulzar


ek paravaaz dikhaa_ii dii hai
terii aavaaz sunaa_ii dii haii

jis kii aa.Nkho.n me.n kaTii thii sadiyaa.N
us ne sadiyo.n kii judaa_ii dii hai

sirf ek safaah palaT kar us ne
biitii baato.n kii safaa_ii dii hai

phir vahii.n lauT ke jaanaa hogaa
yaar ne kaisii rihaa_ii dii hai

aag ne kyaa kyaa jalaayaa hai shav par
kitanii Khus-rang dikhaa_ii dii hai

 

[ajtr]

ek puraanaa mausam lauTaa yaad bharii puravaa_ii bhii
Gulzar


ek puraanaa mausam lauTaa yaad bharii puravaa_ii bhii
aisaa to kam hii hotaa hai vo bhii ho tanahaa_ii bhii

yaado.n kii bauchhaaro.n se jab palake.n bhiigane lagatii hai.n
kitanii sau.Ndhii lagatii hai tab maa.Njhii kii rusavaa_ii bhii

do do shaqle.n dikhatii hai.n is bahake se aa_iine me.n
mere saath chalaa aayaa hai aap kaa il saudaa_ii bhii

Khaamoshii kaa haasil bhii ik lambii sii Khaamoshii hai
un kii baat sunii bhii hamane apanii baat sunaa_ii bhii

 

[ajtr]

haath chhuuTe bhii to rishte nahii.n chho.Daa karate
Gulzar


haath chhuuTe bhii to rishte nahii.n chho.Daa karate
vaqt kii shaaKh se lamhe.n nahii.n to.Daa karate

jis kii aavaaz me.n silvat ho nigaaho.n me.n shikan
aisii tasviir ke tuka.De nahii.n jo.Daa karate

shahad jiine kaa milaa karataa hai tho.Daa tho.Daa
jaane vaalo.n ke liye dil nahii.n tho.Daa karate

lag ke saahil se jo bahataa hai use bahane do
aisii dariyaa kaa kabhii ruKh nahii.n mo.Daa karate
vaqt kii shaaKh se lamhe.n nahii.n to.Daa karate

jis kii aavaaz me.n silvat ho nigaaho.n me.n shikan
aisii tasviir ke tuka.De nahii.n jo.Daa karate

shahad jiine kaa milaa karataa hai tho.Daa tho.Daa
jaane vaalo.n ke liye dil nahii.n tho.Daa karate

lag ke saahil se jo bahataa hai use bahane do
aisii dariyaa kaa kabhii ruKh nahii.n mo.Daa karate

 

[ajtr]

mai.n apane ghar me.n hii ajanabii ho gayaa huu.N aa kar
Gulzar



mai.n apane ghar me.n hii ajanabii ho gayaa huu.N aa kar
mujhe yahaa.N dekhakar merii ruuh Dar gaii hai
saham ke sab aarazuue.N kono.n me.n jaa chhupii hai.n
lave.n bujhaa dii hai.napane cheharo.n kii, hasarato.n ne
ki shauq pahachanataa hii nahii.n
muraade.n dahaliiz hii pe sar rakh ke mar gaii hai.n
mai.n kis vatan kii talaash me.n yuu.N chalaa thaa ghar se
ki apane ghar me.n bhii ajanabii ho gayaa huu.N aa kar

 

[ajtr]

nazm ulajhii huii hai siine me.n
Gulzar



nazm ulajhii huii hai siine me.n
misare aTake hue hai.n hoTho.n par
u.Date-phirate hai.n titaliyo.n kii tarah
lafz kaaGaz pe baiThate hii nahii.n
kab se baiThaa huu.N mai.n jaanam
saade kaaGaz pe likhake naam teraa
bas teraa naam hii mukammal hai
isase bahatar bhii nazm kyaa hogii

 

[ajtr]

qadam usii mo.D par jame hai.n
Gulzar

qadam usii mo.D par jame hai.n
nazar sameTe hue kha.Daa huu.N
junuu.N ye majabuur kar rahaa hai palaT ke dekhuu.N
Khudii ye kahatii hai mo.D mu.D jaa
agarche ehasaas kah rahaa hai
khule dariiche ke piichhe do aa.Nkhe.n jhaa.Nkatii hai.n
abhii mere intazaar me.n vo bhii jaagatii hai
kahii.n to us ke goshaa-e-dil me.n dard hogaa
use ye zid hai ki mai.n pukaaruu.N
mujhe taqaazaa hai vo bulaa le
qadam usii mo.D par jame hai.n
nazar samete hue kha.Daa huu.N

[Khudii = self respect; dariichaa = window]
[goshaa = corner; taqaazaa = demand]

 

[ajtr]

saa.Ns lenaa bhii kaisii aadat hai
Gulzar



saa.Ns lenaa bhii kaisii aadat hai
jiiye jaanaa bhii kyaa ravaayat hai
koii aahaT nahii.n badan me.n kahii.n
koii saayaa nahii.n hai aa.Nkho.n me.n
paa.Nv behis hai.n, chalate jaate hai.n
ik safar hai jo bahataa rahataa hai
kitane baraso.n se, kitanii sadiyo.n se
jiye jaate hai.n, jiye jaate hai.n
aadate.n bhii ajiib hotii hai.n

 

[ajtr]

shaam se aa.Nkh me.n namii sii hai
Gulzar


shaam se aa.Nkh me.n namii sii hai
aaj phir aap kii kamii sii hai

dafn kar do hame.n ki saa.Ns mile
nabz kuchh der se thamii sii hai

vaqt rahataa nahii.n kahii.n chhupakar
is kii aadat bhii aadamii sii hai

ko_ii rishtaa nahii.n rahaa phir bhii
ek tasliim laazamii sii hai

 

[ajtr]

Sparsh
Gulzar



Quran haatho.n me.n leke naabiinaa ek namaazii
labo.n pe rakhataa thaa
dono.n aa.Nkho.n se chuumataa thaa
jhukaake peshaanii yuu.N aqiidat se chhuu rahaa thaa
jo aayat.n pa.D nahii.n sakaa
un ke lams mahasuus kar rahaa ho
mai.n hairaa.N-hairaa.N guzar gayaa thaa
mai.n hairaa.N hairaa.N Thahar gayaa huu.N
tumhaare haatho.n ko chuum kar
chhuu ke apanii aa.Nkho.n se aaj mai.n ne
jo aayate.n pa.D nahii.n sakaa
un ke lams mahasuus kar liye hai.n

 

[ajtr]

vo kaaT ke puraze u.Daa rahaa thaa
Gulzar


vo kaaT ke puraze u.Daa rahaa thaa
havaao.n kaa ruup dikhaa rahaa thaa

kuchh aur bhii ho gayaa numaayaa.N
mai.n apanaa likhaa miTaa rahaa thaa

usii kaa imaan badal gayaa hai
kabhii jo meraa Khudaa rahaa thaa

vo ek din ek ajanabii ko
merii kahaanii sunaa rahaa thaa

vo umr kar rahaa thaa merii
mai.n saal apane ba.Dhaa rahaa thaa

 

[ajtr]

zindagii yuu.N hu_ii basar tanhaa
Gulzar


zindagii yuu.N hu_ii basar tanhaa
qaafilaa saath aur safar tanhaa

apane saaye se chau.Nk jaate hai.n
umr guzarii hai is qadar tanhaaa

raat bhar bolate hai.n sannaaTe
raat kaaTe ko_ii kidhar tanhaa

din guzarataa nahii.n hai logo.n me.n
raat hotii nahii.n basar tanhaa

hamane daravaze tak to dekhaa thaa
phir na jaane gaye kidhar tanhaa

 

[ajtr]

aaj kisii ne baato.n baato.n me.n, jab un kaa naam liyaa
Ghulam Rabbani Taabaa


aaj kisii ne baato.n baato.n me.n, jab un kaa naam liyaa
dil ne jaise Thokar khaa_ii, dard ne ba.Dakar thaam liyaa
ghar se daaman jha.D ke nikale, vahashat kaa saamaan na puuchh
yaanii gard-e-raah se hamane, raKht-e-safar kaa kaam liyaa
[vahashat=fear/anxiety; gard-e-raah=dirt of the street; raKht-e-safar=things needed on a journey]
diivaaro.n ke saaye-saaye, umr bitaa_ii diivaane
muft me.n tanaasaani-e-Gam kaa apane par ilzaam liyaa
[tanaasaani-e-Gam=to carry the burden of sorrow]
raah-e-talab me.n chalate chalate, thank ke jab ham chuur huye
zulf kii Tha.nDii chaa.Nv me.n baiThe, pal do pal aaraam liyaa
[raah-e-talab=path of desire/want]
ho.nTh jale.n yaa siinaa sulage, ko_ii taras kab khaataa hai
jaam usii kaa jisane 'TabaaN', jur'at se kuchh kaam liyaa
[jur'at=boldness]

 

[ajtr]

kaa.NTo.n kii chubhan pa_ii phuulo.n kaa mazaa bhii
Surender Malik Gumnam

kaa.NTo.n kii chubhan pa_ii phuulo.n kaa mazaa bhii
dil dard ke mausam me.n royaa bhii ha.Nsaa bhii

aane kaa sabab yaad na jaane kii Khabar hai
vo dil me.n rahaa aur use to.D gayaa bhii

har ek se manzil kaa pataa puuchh rahaa hai
gum_raah mere saath huaa rah_numaa bhii

'Gumnaam' kabhii apano.n se jo Gam huye haasil
kuchh yaad rahe un me.n kuchh bhuul gayaa bhii

 

[ajtr]

mastii bharii nazar kaa nashaa hai mujhe abhii
Surender Malik Gumnam

mastii bharii nazar kaa nashaa hai mujhe abhii
ye jaam duur rakh do pii luu.Ngaa phir kabhii

dil ko jalaa ke bazm ko raushan na kiijiye
us mah_jabii.n ko aane me.n kuchh der hai abhii

ham ne to ashk pii ke guzaarii hai saarii umr
ham se Khafaa hai kis liye aaKhir ye zindagii

jaam-e-subuu ko duur hii rahane de saaqiiyaa
mujh ko utaaranaa hai kal kaa nashaa abhii

 

[ajtr]

ye kaisii muhabbat kahaa.N ke fasaane
Surender Malik Gumnam

ye kaisii muhabbat kahaa.N ke fasaane
ye piine pilaane ke sab hai.n bahaane

vo daaman ho un kaa ke sun_saan seharaa
bas ham ko to aaKhir hai.n aa.Nsuu bahaane

ye kis ne mujhe mast nazaro.n se dekhaa
lage Khud-ba-Khud hii qadam la.Dakha.Daane

chalo tum bhii 'Gumnaam' ab maikade me.n
tumhe.n dafn karane hai.n ka_ii Gam puraane

 

[ajtr]

zindagii ek kiraaye kaa ghar hai ek na ek din badalanaa pa.Degaa
Surender Malik Gumnam

zindagii ek kiraaye kaa ghar hai ek na ek din badalanaa pa.Degaa
maut jab ham ko aavaaz degii ghar se baahar nikalanaa pa.Degaa

Dher miTTii kaa har aadamii hai baad marane ke honaa yahii hai
yaa zamiino.n me.n turbat bane.nge yaa chitaao.n pe jalanaa pa.Degaa

raat ke baad hogaa saveraa dekhanaa hai agar tum ko din suneharaa
paao.n phuulo.n pe rakhane se pahale tum ko kaa.NTo.n pe chalanaa pa.Degaa

aitabaar un ke vaado.n kaa mar kar varnaa ai dil mere zindagii bhar
tujh ko bhii mombattii kii tarah qataraa qataraa pighalanaa pa.Degaa

ye javaanii hai pal bhar kaa sapanaa Dhuu.ND le ko_ii mahabuub apanaa
ye javaanii agar Dhal ga_ii to umr bhar haath malanaa pa.Degaa